عيب بسيط فى ريكو 2020

وجود حبر على يمين الورقه فى التصوير من الزجاجه فقط اما الفيدر لا تصوير تمام الماكينه 4*1 تصوير وطباعه وسكانر وفاكس
تصور من الفيدر تمام والطباعه تمام الا ان فى الطباعه او التصوير سواء من على الزجاجه او الفيدر يوجد خط اسمر فى ظهر الورقه فقط اما لو التصوير من على الزجاجه وجود حبر على يمين الورقه زائد الخط السفلى
الحل ايه ياهندسه لو سمحت ولا امكن بالتفصيل
ولكم جزيل الشكر

حد يشوف حل ياجماعه

كنت هجيب صوره والله ياهندسه بس قفلت المحل وشوفت الرد بتاعك بالليل الصبح ان شاء الله اجبلك صوره
بس المشكله نصها اتحل الحمد لله
وكان السبب ان الجزء اللي فيه الزجاجه والازرار كان نازل من الجنب الشمال شويه حتى اللوح الزجاجى كان من الجنب الشمال مش ثابت فى مكانه فلما اترفع الجنب من عند ازرار الفاكس اللوح الزجاجى بقى فى مكانه تمام والصوره طلعت مضبوطه 100100
وده كان مسبب مشكله حبر اسود فى جنب الورقه من اليمين
اما النص التانى من المشكله هو وجود خط طولى غامق فى حرف الورقه ال a4 من الظهر ده لسه موصلتلوش لو فى افاده ياريت ولو بردو مش واضح العيب هصورلك صوره بكره ان شاء الله ولكم جزيل الشكر

اين شفرة الحصيره ياهندسه فين بالضبط اصلى والله معنديش خلفيه كبيره بس عادى قربلى المسافه بس لو سمحت

السلام عليكم يا هندسة اشكرك جدا على المعلومات والايضاح ولكن وصلت فعلا للشفرة
اولا غيرت الرول الجلد الاول
ثانيا غيرت الشفرة
ثالثا غيرت الدرام
ولازالت المشكلة قائمة خط بالطول اسود وباء يزيد بتلطيش بسيط فى باقى الورقة
ولاكن لاحظت قبل تغيير الدرام وجود حبر عليه خفيف مهما مسحته يرجع تانى ولذلك تم تغيير الدرام
وبعد تركيب الدرام الجديد نفس المشكلة وجود حبر خفيف كانه تراب عليه 
ولازالت المشكلة قائمة ياترى ايه الحل يا هندسة لو سمحت
وفى سؤال كمان لو امكن للمكنه ريكو 2020 وحدة دوبلكس لو متاح عاوز اشتريها لو موجوده ياريت سعرها واتواصل ازاى مع حضرتك اجيلك فين يعنى
والسلام عليكم

تعليق على لسان المهندس الكبير / عاطف حسين لانة مريض الان شفاه الله 

 تصحيح الالة ريكو 2020 كما ذكر الاخ  saher.emara. ليس بها حصيرة جلد وانما يوجد بها ما يسمى كرونا سفليه إلا إذا كنت تقصد موديل ثانى غير 2020

شفاه الله وعفاه ان شاء الله فى القريب العاجل
الموديل يا اخى هو 2020  او  dsm620    والمشكله دى كلفتنى ومفيش فايده وبتوع الصيانة بيجربوا فيها مش عارف اعمل ايه وحضرتك تفيدنى وتبعتلى حتى موبايلك اتابع معاك اسرع من النت وجزاك الله كل خير
الرول اللى غيرته رول الترنسفير والشفرة المعدن اللى تحتها هذا للعلم وكمان الدرام
ياريت الاقى حل عندك
ولو الاله مفهاش حصيره بس فيها كرونا سفليه هل الكرونا اللى تحت الدرام ولا مكانها فين بالضبط وهل ممكن تكون هى السبب ولا ايه

المهم اللى انا اعرفه ان اللى بيوسخ الورق رول الترانسفير وبياخد الحبر من الدرام اول متغلق الباب الجانبى حتى بعد نظافه ومسح رول الترانسفير الدرام يلف ييجى عليه حبر يتمسح فى الترانسفير اول الورقه متعدى بينهم الترانسفير يمسح نفسه فى ظهر الورقه يبقى اكيد فى حاجه غير الدرام والترانسفير لانى غيرتهم ومجبوش نتيجه اعتقد ان التشخيص كده كويس بس ياريت الاقى حل للمشكله وجزاكم الله كل خيروعلى فكره الباب الجانبى مفهوش رولات اطلاقا لانى فككته حته حته ونظفت كل قطع البلاستك الموجوده وشكرا

انت فين يا خ sayednasa رد عليا او اكتب تليفونك
الاله مفيهاش الدوبلكس بتاع الوش والظهر ومسببلى مشكله كبيره فى الورق الوشين ومسببلى مشكله نفسيه علشان مشلاقى حل

غيرت الدفلبر لتاع المكنه واشتغلت تمام وبعد حوالي 2500 ورقة رجع العيب من تاني افيدوني بالله عليكم

المهندس عاطف كاتب في مشاركه له لذلك العيب ان المشكله يسببها رول شحن الدرم

فما المطلوب

اولا اين هو بالضبط ــــــــــــ ثانيا هل يتم تنظيفه ام تغييره

ولكم جزيل الشكر

شكرا جزيلا يا هندسة انا فكيت فعلا مجموعه الدرام علشان انظف رول الشحن  بس الكلام ده قبل ما حضرتك ترد عليا وفعلا الرول الممغنط كان فيه منه كتير ظاهر وشكرا للمعلومه ساقوم بتزويد كميه الدوفلبر واقول للحضرتك على النتيجة و ان شاء الله يكون هوة ده العيب

ايه ياهندسة زودت الدفلبر    نفس النتيجه

فكيت اللوح الزجاجى والشريحه الحاميه لليزر ومسحت المرايات كويس جدا كان عليا اتربه ولاكن خفيفه
المهم العيب ما زال قائما اتساخ فى ظهر اول الورقه حوالى 1سم     للمعلومه الاتساخ الاول قبل تغيير الدفلبر كان بيتمسح لو مسحته


اما الاتساخ هذه المره اولا خفيف ولا يتمسح معرف دى ممكن تفيدك يا هندسه فى التشخيص ولا ايه

والله المستعان ياريت لو فى اى افكار يا بشمهندس تمدنى بيها ولكم خالص الشكر

اه نسيت اقولك ياهندسه الحبر لسه مخلصش كنت مغير الحبر والدوفلبر سوا قبل 2500 ورقه و دلوقتى حوالى اكتر من نص الخرطوشه هل ممكن يكون الحبر خصل فيه حاجه ولا ممكن يكون نوع الدفلبر مش كويس خاصه ان مكنش فيه للمكنه الريكو 2020 بس المهندس اللي ادانى الدفلبر قالى عادي يمشى مع مكنتك بس حط حوالى 2/3 ثلثين الكيس وفعلا عملت كده واشتغلت تمام بعد 2500 ورقه حصل العيب قلت يمكن زى ما حضرتك قلت يمكن فعلا يكون الدفلبر ناقص زودته على الاخر والله وبردو مفيش فايده
المكتوب على الكيس كاتالى
devel oper  type 18
parts no : b0649640
ips parts 10r2468
ricoh edp code  885281
nrg product code  89884
sa vln product code 9884
lanier product id 480-0090

B161

الحمدا لله يا هندسه المكنه النهارده الصبح لقيتها شغاله تمام ومفيش اى اتساخ بس مش عارف من ايه وكنت محتاج لبعض الاستفسارات فقط

لو كان العيب من قله الدفلبر .... ليه المكنه اشتغلت لما غيرت الدفلبر اول مره وكان ناقص و ليه بعد 2500 ورقه المكنه حست ان الدفلبر قليل

وايضا لماذا بعد تزويد الفلبر ومسح المريات والزجاج العيب فضل زي ماهو هل المشكله كانت في الدفلبر بس كانت لازم المكنه تشتغل شويه ولا ايه اللي حصل باظبط علشان نفهم بس
ارجو الايضاح من وجه نظر سيادتكم

جعله الله في ميزان حسناتك يا هندسه    .........................   والف شكر واحترام لتعب حضرتك معانا    .........  ******